لماذا مجتمعنا يعدنا جيل فاشل !!

[|[ تَفَاصِيلْ ]|]

بسـم الـله الرحـمن الرحيـم
الـسلام عليكم ورحمة الـله ..


أعزآئي الاعضـاء موضوع طرأ لي اسألة متتالية تتعلق به
لمـ اجد لها جواباً ..

لماذا هذا التحطيمـ من قبـل كبار المجتمع الذي يجب ان يكون بدورهـم الرقي بجيله والاعتزاز والافتخار بهم

.. لمـــاذا مجتمــعنــا يعدنــا جــــــيل فــــآشــل ؟؟؟!!! ..

موضوع يحتاج الى الكثير من النقاش والاراء لمعرفه سبب تبلور هذة الفكرهـ او هذا المسمى بأذهاننا نحـن واذهان من هم بعدنـا ..

انا لاانكـر انه يوجـد هناك أناس فاشلين حتماً ولكن لا يكون هذا الفشل نهاية الحياة ونهاية المشوار !!
فمع التشجيع حتماً سينجح .. لن يطلق عليه مسمى . فاشل .
\\
( أنت فاشل )..
( انت مو قـد هالشي ليه تسويه )
( طول عمرك راح تظل فاشل ماتنفع لشـي )
//
كثيراً مانسمع هذه العبارت المؤلمه
المحطمه المدمرهـ لشد الهمة والانتاج والنفع

.
.

كثيـرة هي المواقف التي تدمـر ( نفسيّة ) الانسـان
تجعله منغلق متوحّد لا ينتج .. ما السبب ومن السبب ؟؟

من المسؤوول عـن هذا ..

وكيـف لنـا معالجة هذه الظاهرهـ ..

مهم للنقآش !!
أتمنى أن أرى آرائكمـ ..

مــودتـــي

منقول

[صـاحـب الـسـمـوو]

::سكــــــون الليـــــــل::


ليس كل الجيل فاشل الفاشل هو من اراد ان يقال عنه انه فاشل

جيل عن جيل يفرق .. في الشخص الزين وفيه الشين ..

اللحين في زمنا هذا كل شي تغيير الأول ماش علم ..

واللحين تطور العلم من سنة لسنه وهو يطور ..

يعني عشان هالتطورات خلاص حنا فاشلين لا طبعاً

صح انه الجيل اللي قبلنا كانوا عايشين في حياه بسيطة وجميله

ولكن هل من علم ؟ !!!

زمان الاول تحول ..

واللي يقول انه الجيل هذا فاشل فـ معناته انه هو فاشل .. ليش؟

لأنه التربية كانت تحت ايدهم .. وهم يتحملون المسؤولية الكامله

للأسف انه الآباء والأمهات رافضين معنى التطور ( تطور العصر )

نسوي شي قالوا

( حنا على ايامنا كنا وكنا وكنا ومناك كله خرطي ويذكر بطولات

واكشن 70 حلقه من 500 سنة )

بس اذا قالوا هذا جيل فاشل ما نلومهم من اللي صاير من خراب

ما اقدر اعطيكم امثال .. ولكن بعينكم كل شي باين .. فالشوراع . المراكز وغيره

ولا ننسى انهم تعبوا في حياتهم وعاشوا لحظات مرة عشان راحتنا

اوافقكـ الراي بشيء واحد في مجتمعنا وعصرنا الحالي

الا وهي : -

الأخو ما يعرف عن اخوه شي

ولا الأخت تعرف شي عن اختها

الكل صار همه الحياه ومصالحها

شوفوا كيف تربوا الوالدين كلهم على قلب واحد

حتى الجار يسأل عن جاره .. اللحين لا هذا تعرفه ما تعرفه الأمور طيبة

والله دنيا يوم عن يوم بنشوف ونعيش عقب عمر طويل .. مصايب الدنيا

وانا من رأيي اشوف انه هالموضوع .. يحتاج لكلمة وحده بس

نختصر الموضوع بها ..

وهي

*+* التربيـــــة الصحيحــــة *+*


وشكراً اختي على هذا الطرح الراقي

وعلى اتاحة الفرصة للمناقشة حول هذا الموضوع الهام

جزاكـ الله خير وما قصرتي ..



تحياتي لك ..

[|[ تَفَاصِيلْ ]|]

صدقت اخوي صاحب السموو بكل كلمة قلتها ومعك حق التربية الصحيحة هي التي تمنع كل هذه الأشياء

لكن فيه نقطه احب اعرف اراء الاعضاء فيها وهي ::

مارأيكم باللي يحطم الانسان ويقوله انت ماتعرف شيء وماتقدر تسوي شيء

يعني يخلي الانسان اللي قدامه ولاشيء

يعني حتى لو كان الشخص متحمس لشيء يحبطوونه اللي حوله ؟؟

هذا اعتبره برأيي سبب من اسباب الفشل ,,


اتمنى أرى أرائكم حول هذه النقطه

واشكرك اخوي صاحب على طرح

رايك في الموضوع

ويعطيك الف عافيه على مرورك

دمت بخيـــــر ,,

[!{ خَفَايّا الـَـِـرّوَحْ |●]

لكل جيل مقاييس لنجاحه وفشله حسب ذالك العصر المتواجد فيه

فمن يقول اننا جيل فاشل فهو بالتأكيد ليس من عصرنا الذي نعيش فيه وذلك لاختلاف التفكير والتطور الحاصل في جيلنا عن الاجيال السابقه


سكون الليل

لا عدمنا ابداعك

دمت بود

[|[ تَفَاصِيلْ ]|]

صدقتِ اختي ( لكل جيل مقاييس لنجاحه وفشله )

لاعدمت وجودك

دمتي بخــــير ,,

[نيوف]

تدرون ليش يقولون فاشلين معهم حق لااعم اقول الاغلبيه
لانك تلقينهم سهرانين يقومون متاخرين كثيرين النوم في النهار النهار معروف للنشاط والليل للنوم
وقال تعالى( وجعلنا الليل لباسا (*) وجعلنا النهار معاشا)

وتوصينهم شئ يسونه ياخذون فيه وقت طويل والامر مايبي له خمس دقايق

وتلقينهم باردين في التعامل ورده طويل في النقاش
ومايطيع ولا يحترم اللي الاكبر منه

وانا من الجيل هذا وانا مابرئ نفسي لاني كثير السهر بس والباقي مافي ازين مني
تلقين الشباب والصبايا تسئلينهم وراكم تسهرون
جاوبك وقالوا انه مهموم وحزين ومايقدر ينام وصعب عليه

تدرون افضل شئ لهموم والحزن في الليل في بعضكم قال لايفكرون في الحزن .... طبعا لا ... ترون ان النوم ازين دوا للي عندهم هموم ................
بتقولون طلع عن الموضع الاصلي صوووح
انا لاقمت اكتب قمت اوسع بالموضوع

تقبلوا مروري وارائي واللي مايتقبله وشسويبه




ماراح اسويله شئ( ههههههههه) الولد مزاجه رايق

[=¤§ الـغـآمـض §¤=]

بداية ً ...

الى متى نصغي ونتعب انفسنا بالاصغاء الى كل مايجرح ويعكر و يحطم نفسياتنا ؟؟

فقط استمع وحط في بالك ليه قالوا كذا ؟

يعني ..

يقولون جيل فاشل صح

طيب ليه ؟

لاننا فاشلين !!

نقول كيف فاشلين ؟


نبي بس نرتاح

مانهتم بالدراسة

يصرفون علينا اهلنا

مشاكل ومصايب مع الناس

البعض اعوذ بالله آخر اهتماماته الصلاة و دينه

ونقول ليش يقولون جيل فاشل ؟؟

شيء حاصل ويمر علينا يوميا

ماحد ينكره

الحين عرفنا < تقريبا > السبب ..

طيب ليه مااتفاداه

ليه اعاند واكون فاشل ؟

ليه ما ابعد نفسي عن هالامور

و ببساطة اكون ناجح

على الاقل احاول اعكس الصفات هذي لصالحي وبالطريقة الصحيحة

بعدها ما يقدر يتجرأ أحد يقول انك فاشل ..

""

سكون الليل ..

موضوعك رااائع جدا

يتطلب منا مراجعة النفس في احوالنا وافعالنا

عذرا ً على الاطالة

تقبلي ارق تحية مني ؛؛

[|[ تَفَاصِيلْ ]|]

يعطيكم العافيه على التفاعل

[جوهرة البحرين]

يسلمو على الموضوع

كلمة(( فاشل )) كبيرة وكثير من الناس يكررها

لكنا وبكل فخر جيل مثقف وخطواتنا بارزة في كل مكان خطيناها لكن نحتاج لدعم من الاكبر منا

اكبر مثل الدراسة تحتاج لتوظيف

لسنا جيلا فاشل تعودنا الاعتماد على الاخرين بسبب تربيتنا ليس لسبب الاتكال

كبرنا وبيدنا ملعقة من ذهب فالماذا نفكر بالحديد ؟!!

الاب والام بعض لحيان ينعتونا بالفشل دون ان يعرفو انهم من علومنا على الاتكال

بالنهاية لسنا فاشلين بالعكس جيلنا يطمح للافضل دائما

[|[ تَفَاصِيلْ ]|]

صدقتي اختي

ومشكوووره على التفاعل

[a7Śas♥றlaķ]

يعطيك ربي العافيه

للاسف منتشره بين كبار السن على حسب راي الشخصي يمكن جهلهم في طرق التربيه الحديثه وتعودهم على طرق التربيه الخشنه ايام الماضي بسبب صعوبه الحياة اول

اختك ,, بنت كحيــــــــــــــــــلان